誰會喜歡孤單一個？八號風球下，暴雨敲打夜窗，身邊無伴，心中響起悶雷，這種滋味，彭家麗最懂。

唱慣情歌，卻單身多年，她看得淡然，反而父母愈見焦急。

「有一次我喺教會上台分享，我同台下面嘅父母講：『你哋成日擔心我冇拖拍，但我深信神一直與我同行，總有一日，我一定會搵到！』」這一刻，彭媽媽哭了。

近日，神帶來了一位朱主席，自我陶醉地跟她合唱〈從不喜歡孤單一個〉，騎呢片段紅爆網絡。彭爸爸上網發現後問她：「點解咁好笑嘅？哈哈！」那一刻，彭爸爸笑了。

「朱主席有無約你去街？」我狡黠問：「梗係無啦！」彭家麗反應甚大，此時此刻，哭笑不得。

朱主席

多謝朱主席，令我們再度留意樂壇裏的滄海遺珠——彭家麗。

「嘩！阿主席唱得好唔好呀？」在晚會演唱中段，彭家麗這樣笑問現場觀眾。其實普天之下，誰能不動容於主席鬼哭神號的喊驚歌聲？誰也會投入於哈囉喂的氣氛裏，只有彭家麗若無其事忍到笑，備受網友讚揚夠專業。

「我教慣唱歌，幾難聽我都聽過啦！嗰次我冇刻意忍笑，演出場地係修頓室內球場，迴音好大，我要好留心聽住音樂去跟拍子，所以無全神貫注去聽佢唱，我事後睇番條片，先至真真正正聽真對方嘅實力。」

（以專業分析，朱主席是否十粒音走了九粒音？）「都係嘅！呢首歌嘅音域唔啱佢，不過佢唱得好enjoy吖！」彭家麗坦言，她特別上討論區細味網友評論。「睇到啲留言先最好笑，我夜晚都笑到瞓唔到覺。」

上星期網上瘋傳一段彭家麗和娛樂公司主席朱壽仁的合唱片段，男的冇句啱音，女的處變不驚。