梁洛施拖仔出巡
近日屢傳復出拍電影嘅梁洛施（Isabella），聽聞復出頭炮會交畀導演徐克，不過佢嘅官方發言人盧覓雪就話未有新消息發布。
暫不用開工的Isabella，當然繼續專心湊仔。繼早前被拍得同三歲嘅孖仔喺多倫多街頭行街後，日前又有網友上載咗一張佢拖實大仔長治現身多倫多機場嘅相，相信係趁暑假出埠旅行。當日，佢着白恤衫襯牛仔褲，而四歲多嘅長治就着藍白格仔衫，同媽咪個tone一模一樣，齊享親子樂。
早前梁洛施跟契爺黃秋生見面，後者大爆佢快將復出。
趁放暑假，梁洛施拖着大仔長治出國旅行。
為提供更方便的一站式服務與讀者，星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站，只需完成以下簡單登記程序，即可以一個電郵地址，享用以上各網站提供的各種會員服務及源源不絕的會員優惠！
