Cool魔報警避難
近日人氣爆燈嘅「Cool魔」張智霖（Chilam），連發哥都自爆有追看兼視佢為偶像，自然成為傳媒嘅焦點。
日前Chilam單拖由屋企出車，途中發現有記者追訪，一度駛入跑馬地警署報警，但由於佢唔係警方車輛，在閘外等足十五分鐘，期間東姑見佢不時托腮，最終等唔切就掉頭開車走人。事後佢解釋因怕影響家人，故近日都減少帶囝囝外出，不過老婆袁詠儀就有先見之明，話個劇咁受歡迎，叫佢預咗被人跟。
上周五（二日），Chilam和吳鎮宇一齊出錢請台前幕後開餐。
Chilam在閘外等足十五分鐘，一臉煩爆托頭。
佢撇唔甩記者，惟有駛向警署。
