梁卓偉遊歐洲做指揮

港大醫學院史上最年輕院長梁卓偉八月就走馬上任，可能明知上任後忙到甩轆，佢近日靜靜雞去咗歐洲叉電，不過唔係自己去玩，而係為香港兒童交響樂團做榮譽客席指揮，在意大利和法國巡迴演出。

梁卓偉十八歲開始替兒童交響樂團當指揮及音樂總監，二十多年來從沒間斷，不時到海外演出，對培育青少年音樂才華，佢絕對係有心人。原來梁卓偉四歲便跟隨現任音樂總監及指揮葉惠康學唱歌，係佢音樂路上嘅恩師。師徒相交相知三十多年，聽講這位寸寸哋的未來港大醫學院掌門人，就是不敢駁葉惠康的嘴。

近排政府班子頻頻出事，聞戰鼓思良將，有人提出搵梁卓偉回朝，但佢已立心做醫學院，相信今屆都唔會出山，但下屆就未必冇可能。