強哥與阿松 辭職有腰骨
囤地事件成為全城熱話，坊間唔少人重提前衞生福利及食物局局長楊永強因一句話辭職的往事。一位知情朋友向本刊講，當年楊永強處理沙士疫情盡晒力，冇犯乜大錯，但○四年沙士調查報告發表後，一名沙士死者家屬怒斥佢「厚顏無恥」，佢受唔住咁嘅責罵，含淚辭職，特首董建華及一眾同僚都懇切叫佢留低，但佢仍堅持離去。
知情朋友指，沙士期間有一位主事官員反對隔離，好彩楊永強及老董企硬咁做，但佢辭職時無將責任卸畀呢名官員，自己孭晒上身，真係好有腰骨。
作家梁文道亦寫文講前財政司司長梁錦松嘅舊事，話當年佢「偷步買車」，比起近期事件，算不上甚麼，而當時阿松即刻請辭，同近期行會成員同局長嘅表現，極唔相同，令人懷念。
梁老兄話早前在機上巧遇阿松，半講笑問佢：「咁嘅環境，不如你出番嚟呀，肯定好得多啦！」佢即擰晒頭答：「我仔細老婆嫩，唔好玩我喇！」
