![](http://eastweek.my-magazine.me/tmp_images/article_images/27849/nm_e8aaa8.jpg)
兩常秘怕怕 唔肯「接波」
如果要搵人替波哥,佢下面兩個常任秘書長,都有能力頂上,而且唔會招風招雨,做嘢可以更順利。
呢個想法亦好合理,但最大問題係,佢哋肯「接波」嘅機會微乎其微。
官場中人指,如波哥落台,常秘韋志成係做局長首選,另一常秘周達明亦可以,但佢哋都係資深AO,仲未到退休之年,如果出任問責官員,就要離開公務員行列,除非好有政治抱負,否則極唔划算,估計佢哋都唔會願意。
而且發展局局長個位點難坐,佢哋最清楚,而家守喺二線唔使食正風口,冇咁容易周身傷,叫佢哋頂上,啋你都傻啦!加埋麥齊光被拉人封艇,AO聽到做局長都怕怕,要搵佢哋孭飛,難度愈嚟愈高!
![](http://eastweek.my-magazine.me/tmp_images/article_multimedia/27849/1_n.jpg)