舞出色 Sunny Wong
別人的歌，風光不一定歸於別人。
香港首席排舞師Sunny Wong（黃國榮），這些年來就是聽着別人的歌，跳着（或編排出）自己的舞步，成就他近三十年的舞業：全港有九成演唱會的舞蹈，也出自Sunny手筆；劉華、Kelly、張惠妹等巨星也要聽他「支配」。郭富城？不消說。
「我同『阿王』好多時都係講默契，話晒都係同學（無綫舞蹈藝員訓練班），我哋都好尊重大家。」兄弟情誼，令城城於○九年一口答應擔任Sunny的證婚人，而剛與Sunny慶祝結婚四周年的黃太Angela，就是他生命中最重要的人。
「Angela好體諒我，對我嘅工作狂態度絕無怨言，仲等我返屋企。我當我哋仲係拍緊拖o架（甜笑），仲會一齊去蒲去跳舞。」
風光，豈止表面？Sunny自信地跳着舞，重點不一定源於掌聲，共舞的人，才最重要。
Sunny與城城，傑作不止「generation next」，「舞台皇者」的背後，還有並肩作戰的好兄弟。
城傾廿九載
Sunny說，與城城的情誼，始於八四年，「我哋係同期嘅TVB舞蹈藝員訓練班同學，同期仲有陳小春、謝天華。講到同『阿王』熟，就係八五年一齊去加拿大為TVB做show開始，幾個月一齊生活、做嘢，就算之後主辦商有拗撬，我哋要返香港，感情都已經建立咗。」
