朱薰聽band sound胎教
龍年很多藝人都趕生仔，商台叱咤903DJ朱薰亦「無意中」懷上龍BB，現今已懷孕九個月，預產期一月九日，趕及龍年尾班車。
這個潮媽崇尚胎教，看大量書籍、與BB日傾夜傾、上育嬰堂；由於老公譚健榮（Mr.成員Dash之孖生兄弟）喜歡band sound，所以她沒有聽貝多芬音樂，反而聽band sound，務求生個精靈健康的「譚嬰兒」。
就連將來的育兒大計她都有所盤算，予實行開放自由的管教方法。「我哋唔會咁早要佢學嘢，唔想逼得佢咁緊，佢又辛苦之餘，我哋又辛苦。」
朱薰表示兒子的名字跟男家的族譜而改，中間一定要有個「永」字，所以有很多人打趣說不如叫譚「永」麟。
擔心學位
一向喜歡小朋友的朱薰，婚後兩年成功造人，一切都來得順其自然，但講到最初未確實腹中塊肉屬龍或蛇時，心情乍驚乍喜。「有咗當然開心，我同丈夫都好喜歡小朋友，但就冇計劃話幾時要生BB，依家有咗都覺得啱時間。我記得朱茵有咗嗰時話佢趕得切龍年嘅尾班車，心諗如果我之後有咗就實唔係龍BB啦，咁都係好事，因為咁多人生龍BB，就會多咗人爭學位讀書啦。」不過，當醫生證實BB在龍年年尾出世後，困擾她的事情反而一掃而空。「當證實BB喺龍尾出世時，反而無咁驚，因為到嗰時一來無咗『雙非』嘅問題，二來到佢大咗原來係同屬蛇嗰批小朋友爭學位，咁大家都可以舒服啲。」放下心頭大石的她，接下來是歡天喜地進行她的胎教大計。
朱薰懷孕四個月時主演舞台劇《愛可以多狗》，除了老公之外，更得到全組人的「特別」照顧。
早前，朱薰與其他十一位星級龍年媽媽，拍下由著名攝影師夏永康操刀的慈善月曆。
在現今一片遲婚的風氣下，以三十三之齡懷第一胎的朱薰，可算是早生孩子的一群，而毫無生育經驗的她第一件事就是看大量日本、台灣等書籍來惡補知識。「因為唔識，惟有喺書度學，以前返工好少時間睇書，一有咗就好似睇番三年冇睇過嘅書咁，雖然睇唔晒咁多，但都會跟住啲懷胎嘅月份去睇。」所謂集思廣益，朱薰將書本所學的懷孕和育兒知識融會貫通，然後進行一連串胎教，雖然成效未知，但她深感BB很乖又聽話。「我一直都有胎教，成日都同佢傾偈，有啲書講如果想BB幾多號出世可以多啲同佢講，於是我日日同佢講希望佢順順利利，健健康康出嚟，我仲幫佢倒數，希望我做埋叱咤頒獎禮咁就最好喇。」喜歡說話是朱薰的性格，所以多傾偈亦是她與BB的溝通招數。
