「深紅」人士入局 自成新派系
今次選舉出現一個新組合，好多人睇漏眼，但唔可以輕視，就係幾位「深紅」人士入局，將自成一派。
政圈老友指，功能組別當選者中，旅遊界姚思榮、金融界吳亮星，都屬中資國營機構高層；體育文化界馬逢國係左派機構出身，學生時期已紅彤彤，可以話根正苗紅；代表中總嘅廖長江，雖然唔係為中資打工，但同阿爺關係密切。幾位仁兄日後將組「新早餐派」骨幹，成為建制派內重要一環。
早前，姚思榮及吳亮星出選，本來有意在兩個界別競選嘅政團，立即退避 三舍，因知道兩人係何路人馬，背後必獲阿爺祝福，冇謂同佢哋爭，可見佢哋喺建制派將有一定份量。
