袋價
社交圈名媛靚太的手袋個個名牌，每個由數萬元至百多萬元不等，絕對是身份象徵。
一個手袋，隨時用上十年八載，要歷久常新，靚太各有自己一套保養手袋的方法。四太梁安琪和林建岳舊愛陳浥萍就愛將絲巾包裹手挽，避免手袋遭手汗或潤膚霜沾污；玩具城董事鄭躬明太太陳君宜，每次用完手袋都仔細清潔，再入袋封存；而徐子淇御用化妝師Gary Chung，更自己動手維修保養。
只要用得其法，即使用上多年的手袋，望上去依然新簇簇。
陳君宜坦言喜歡外形較細、輕巧，及顏色鮮艷的手袋，藏品多達數百個。
賭王四太梁安琪（右圖）與林建岳前女友Monica（左圖）擁有不少Hermès手袋，平日愛用絲巾包住手挽，確保手挽新淨。
陳君宜
用完清潔入袋封存
時尚購物網站ZEUZ.COM總監陳君宜（Qinnie），潮流觸覺敏銳，除了時裝，手袋亦是她每季must buy items，「我鍾意一啲較特別的手袋，唔鍾意同人撞款，就算係Hermès、Chanel這些大熱款式，我都會揀啲特別顏色。我買手袋有四個要求，一，款式、二，輕身、三，一定要皮、四，顏色要鮮。」
她坦言特別喜歡鮮色，尤其是粉紅色和金色，家中收藏的手袋達數百個。當中除了Hermès和Chanel外，還有特別從英國、馬來西亞等地尋覓回來的特色手袋。Qinnie笑說：「呢度啲手袋，個個都買咗七、八年以上，keep得咁新，因為我每次用完，都必定叫工人用乾布抹一次，然後再用防塵袋袋好，再放入盒內。」
這個紫色蛇皮25cm的Hermès Birkin，是Qinnie七年前在巴黎購買，價值港幣三十萬。
淺色袋忌襯脫色褲
Qinnie表示多年來用過不少名牌手袋，保養方法都大同小異，但她教路，若然想真皮手袋不易脫色，就千萬不要讓手袋沾上油性物質。
「很多女士都喜歡搽hand cream，我也一樣。不過我每次搽完，一定會用紙巾抹乾淨對手才拎手袋。因為皮沾到油，會好易脫色和有哄，好難清理。」
Qinnie更提醒女士們選用淺色手袋時，應避免着容易脫色的褲，「記得有一次，用咗個白色的Chanel側孭袋，點知條牛仔褲脫色，搞到成個袋『藍』晒。那次真的好心痛，自己又唔敢亂整，最終攞回原廠修理，事後雖然復修妥當，不過我硬係覺得啲顏色已經無以前咁靚。」
