情迷樂高
任職放射性治療師的張敬文，是本港出名的LEGO達人。他愛在沒有說明書下，自創獨一無二又具香港風情的道地積木，如舊式汽水機、火水爐、摺櫈、西瓜波、奶茶，甚至成個「老麥」巨無霸餐等，都可由他將一粒粒積木化腐朽變神奇，且像真度極高。
年前他更斥資二百萬，買入九龍灣一個工廈單位做LEGO工作室，每日放工就返去起勢砌。踏進他的LEGO天地，四周盡是他的LEGO作品及膠箱，他說：「我好期望有能力買多一個住宅單位，咁就可以靚靚咁display晒所有作品出嚟，自己睇到自己整嘅嘢，真係好滿足。」
張敬文年前斥資二百萬購入工作室，連同花費在Lego的金額，總值超過三百五十萬。
他說不會出售自己所砌的Lego，行善例外，這個白兔燈籠，就曾於慈善活動籌得六千多元。
他之前在火水爐之上砌了個瓦煲，但後來成日病，好唔吉利，最後把瓦煲收埋了。
五歲砌積木
張敬文五歲開始玩LEGO，小學時代他已偷偷唔食午飯，儲錢買LEGO。直至中五，為了應付考公開試，他將所有LEGO送晒畀親友。「好唔捨得，但係唔送都送咗，冇計。」
二十五歲時，他放工經過一間舊式玩具店，看見一盒盒LEGO，勾起了無限童年回憶，於是將玩過的LEGO全部買下，重拾昔日樂趣。「太太知我鍾意LEGO，有年生日送了一盒雜錦LEGO畀我，由於沒有圖則可依，我砌吓砌吓，竟然畀我砌咗個高達出來。由嗰日起，我就迷上咗砌LEGO。愈買愈多，日砌夜砌，試過連續砌二十幾個鐘，若mood到，凌晨都會即刻開工，驚瞓醒唔記得嘛！」
