譚偉豪不涉風波 同鄧淑明非一夥

本刊上期《封面故事》報道，由iProA（互聯網專業協會）成立嘅信息共融基金會，取得政府撥款推行「上網學習支援計劃」，被廉署轄下嘅防貪處指帳目混亂，有濫用公帑之嫌，該基金會長是鄧淑明（iProA前會長），內定任科技及通訊局長嘅楊偉雄任董事，而立法會議員譚偉豪（小圖）則是iProA董事。

iProA董事

政圈老友同小弟講，報道令外界覺得譚偉豪與鄧淑明（Winnie）屬同一夥，其實係錯覺，原來四年前佢競逐立法會IT界議席時，曾有人於背後捧Winnie出嚟同佢爭位，後來因某種原因冇成事，顯示兩人並非同盟關係，而係各行各路，在界內甚至係競爭對手。

今屆立法會選舉，譚偉豪料將再參選，佢並唔係信息共融基金會董事，又冇同Winnie埋堆，應該唔會受今次事件影響。