秋日私蟹之味
秋風起，又到咗一眾蟹王蟹后品嘗大閘蟹滋味之時，今次嘅「金牌飯局」，別開生面地喺「譽港灣」舉行，我同康業服務有限公司董事梁志豪（John）、模界代表陳靜儀（Mia）及余曉彤（Hidy），齊齊品嘗最精選嘅大閘蟹。
別開生面嘅，唔止係今晚舉行飯局嘅地點，仲包括John統籌嘅「家居大閘蟹」服務，哈哈哈！我今晚即席品味嘅私房靚蟹，你哋都可以安坐家中有同樣嘅享受！
今晚品嘗精選大閘蟹，既有好朋友梁志豪先生，又有陳靜儀（Mia）（後左）同余曉彤（Hidy）（後右）相伴，人生一樂也。
安坐家中品味
可以足不出户，就歎到經過精挑細選嘅正宗江蘇太湖野生大閘蟹，對於為食嘅香港人嚟講，確實係佳音，John諗到呢個咁體貼嘅service，梗要佢詳細講吓呢個服務嘅概念。「我哋嘅客戶每年享用大閘蟹，只係數次之內嘅事，所以必須揀選優質、安全嘅產品。
「加上市面假貨氾濫，食大閘蟹就更需要尋求信心嘅保證。『家居』嘅正宗江蘇太湖野生大閘蟹，就以『天然野生無污染，殼薄膏香肉鮮甜』見稱，我自己都食唔少o架。
「最好係有人揀埋蟹，仲送到上門，食得方便，都係一個將心比己嘅概念啫。」
哈哈哈！可以安坐家中歎靚蟹，我相信唔少愛蟹之人都欣賞，John再講解揀蟹過程，「精品蟹喺重陽後上市，每隻都經過專人五重挑選，膏香頂角，肉鮮殼薄，鍾意食蟹嘅，就一定知係極品。」
秋風起，食靚蟹。好朋友加美女聚首一堂，梗係要飲多杯，乾！
兩位模界代表Hidy同Mia第一次食咁靚的大閘蟹同特色中菜，讚不絕口。
碧綠蟹粉荔茸盞，香脆可口，入口即溶，唔試走寶。
大閘蟹精選中的精選，絕對殼薄膏香，冇得頂！
富貴冰火蟹膏
講起極品，我就一定要向大家推介一個最識享受嘅「冰火」蟹膏食法。先要預備熱辣辣嘅蟹膏，即係剛開殼嗰啲，配上冰凍嘅魚子醬，然後以一比三分之一嘅份量，喺蟹膏之上，鋪一層魚子醬，之後「啪」入口，嗰種「冰火」嘅感覺，入口即呈現，係令味覺一次過感受到兩種刺激，呢個係我每次品嘗蟹膏必定食法，梗係要同一眾嘉賓分享一下。
兩位靚女都對呢種「冰火蟹膏」讚不絕口，異口同聲話：「口感好得意呀！我哋未試過咁樣食蟹粉，之後一定要同朋友推介！」
哈哈哈！其實介紹我以呢種富貴食法嘅朋友，就係商台創辦人何佐芝先生，佢係一位我相當尊敬嘅朋友，自從佢令我認識到呢個特別方法之後，我就將之發揚光大，咁好嘅享受，點可以唔益朋友呢？
梁志豪（John）首創咁體貼的大閘蟹送上門服務，品質同服務都係一流之選，當然要飲杯賀一賀，乾！
最正食法冰火蟹膏，以一比三分之一的份量放入口，雙重刺激！
脆皮炸子雞，皮脆肉滑，上乘之作。
花旗參燉烏雞，香味濃郁。
兩模嘗蟹貼士
Mia同Hidy都係大閘蟹嘅fans，但係由於工作關係，佢哋都係以適可而止作大前提。「雖然我哋都好鍾意食大閘蟹，但係為要做嘢嘅話都會忍吓口嘅。」
Mia最近重新投入工作，梗係要操到最佳狀態；而Hidy就即將以新組合Auto Bees形象示人，近期為演出積極排舞。不過，今晚美蟹當前，佢哋都開懷品嘗每隻重達七両嘅太湖蟹，而且仲邊食邊讚，配合埋廿五年嘅陳年雕王，冇得彈！
食大閘蟹當然要配花雕酒，今晚有廿五年陳年花雕王，冇得彈！
Mia要重新投入工作，面對美食，都只可以淺嘗即止。
Hidy（左）即將會以組合形式，以勁歌熱舞出現。
瑤柱蛋白炒飯，功夫頂呱呱！
生磨杏仁露，香甜順滑。
訂大閘蟹即call即到
家居提供優質送遞服務：
原籮批發（家庭裝）：每天1:00前落單，當天下午6:00前送貨至府上或指定地點。
送貨安排：住宅天天送貨，下午六時前送到戶。
蟹季高峰期（9/10/2011-13/11/2011）加設星期日上午10:00至下午1:00接受電話訂購服務。
