踏入九月開學季節，不僅小朋友要重整心情回到校園，作為家長的，也要在開學前為子女添補所需用品。早前，本刊分別直擊了潘芳芳及DJ葉蘊怡，帶子女到書局及商場買文具及書包，兩人明言不會縱容子女要甚麼便買甚麼，也沒必要每年開學均換掉所有文具，潘芳芳更表示：「要囝囝分清文具同玩具嘅分別，有啲卡通筆，得個靚字，但係筆身又粗又圓，仲會影響小朋友嘅揸筆手勢。」果然是一名精明的媽媽。

早前，潘芳芳帶着五歲兒子Queston到銅鑼灣商務印書館購買文具，並讓兒子揀選適合的顏色筆。

葉蘊怡認為，為子女揀選書包，應以舒適、輕盈、透氣及護脊為準則。

 準備好心情

育有五歲兒子陳健御（Queston）的潘芳芳，在經濟及實際需要原則下，早前也帶着今年九月升上K3的兒子，到銅鑼灣商務印書館添補文具。兩人先挑選顏色筆、擦膠、原子筆，期間芳芳更不停詢問兒子，每種文具的不同用途，然後再衡量需要決定買與不買。「屋企冇嘅，或者就嚟用完，有需要買嘅文具先會買，小朋友開學，最重要係準備好心情，因為暑假，Queston都夜瞓咗少少，所以要調節番。」

面對各式各樣精美的文具，五歲的Queston難免躍躍想試，更對一盒附送3D眼鏡的卡通夜光顏色筆愛不釋手，多次跟媽媽說：「我哋屋企冇3D眼鏡呀！」芳芳回應：「呢個暫時我哋唔需要用到，遲啲先買喇！」其後，Queston又拿起卡通多色原子筆走到媽媽身旁，芳芳則說：「你有冇需要用到咁多隻色嘅原子筆呢？」接着，Queston又乖乖把原子筆放回架上。

潘芳芳與曾任導演、DJ的丈夫陳冠豪，向來不主張兒子使用卡通文具，「因為想佢知道文具同玩具嘅分別，如果成日都買卡通文具畀佢，佢就唔肯再用番支普通嘅筆；又唔係話完全唔畀佢用，當獎勵性質偶爾買畀佢都會，始終卡通文具好睇唔好用，好似頭先嗰支筆，筆身咁粗，仲會影響小朋友嘅揸筆手勢。」

Queston看見各式各樣精美的文具，表現好奇又雀躍，並不斷詢問媽媽文具的用途。