今時今日，疫情再升溫，但有些熱情，不會因此被磨滅。
黃秋生、張銘耀與朱栢康，都是演藝學院出身，對表演藝術的熱情，毋庸置疑。去年的舞台劇《ART呃》，公演十五場，叫好叫座。
當時黃秋生更坦言，作品為其告別舞台之作，一年過後，他再踏上舞台，於十月重演易名《2022ART》的舊作，除了熱情，還有：「今次復出，代表我唔使履行我講過嘅嘢，我又冇發誓。上次（說告別）係Feel嚟o架啫，上次我真係唔知會點樣嘅，到過咗一段時間，Joyce（舞台劇監製）好鼓勵我，我就諗，咦，係咪可以博多鋪呢？
「呢家好似都幾樂觀，見到人哋隔籬賣咗五十場（黃子華舞台劇），咁我咪開心囉！隔籬排晒隊，點都漏到幾個過嚟啩？」
跟「大師兄」同台，不論導演張銘耀還是朱栢康，心態跟去年初遇時類同，前者笑言：「所謂嘅重演，唔一定係好多新嘢，我等待緊，睇吓經歷咗一年之後，佢哋會有咩唔同。」
後者則稱：「今日唔知聽日事，但我好珍惜有得聚埋一齊嘅時間。照大師兄所講，我上次嘅演繹有一百分o架，今次我照Dub上次嘅做法，再調整吓。」
一旁的大師兄，淡然表示對兩名師弟的滿意程度：「好好！人就係咁o架嘞，有冇投訴呀？冇？即係滿意啦！」換來師弟們的掌聲跟笑聲。
這三位男人的浪漫，不是豆腐火腩飯，僅聚一聚吹吹水便是Bromance。雄不雄武？從來不適用。

 

 

婆媽

《ART呃》重演變《2022ART》，導演張銘耀講明：「演繹上要睇吓三位演員，可以再撞到啲咩火花，但都係要符合秋生嘅要求：要好好笑、勁好笑。」
當閣下以為「好笑」是主觀的時候，黃秋生教你：「好似一個人靚唔靚，你以為好主觀？其實所謂嘅『黃金比例』，係一種科學嚟嘅。笑都係，要掌握節奏、時間，Timing遲一秒就已經唔好笑o架嘞！所以有本書叫《演員標靶》，就係講呢啲嘢。」
常道「戲如人生」，舞台劇的故事，講述三名老友因一幅畫，引發撼動友情的危機，而黃秋生對劇中角色們的友情，不甚欣賞。
「婆婆媽媽咁，我唔係好鍾意，得個講字！只講唔做嘅男人，係八婆嚟嘅！後生嘅時候，會有同人稱兄道弟、搭晒膊頭，????家唔得。男人同男人，唔同女人同女人嘅友情，女人鍾意交心，鍾意講一件事，講完呻完就拜拜返屋企；而男人，係去做多過講。
「做朋友，我去分析一個人，如果個朋友係Ok可以討論嘅，我會直接同佢講；唔可以講嘅，就直情唔同佢做朋友，打電話俾我，我都會話唔得閒。」
朱栢康則表示：「做friend，我會睇啱唔啱傾嘅，佢個人婆唔婆媽，我就唔會bother。」
而張銘耀就說：「我身邊嘅朋友，大多數都係做呢行，好多都好敏感，所以都會因為人哋一句說話而諗好多，我都係唔bother嘅。」

由張銘耀執導，黃秋生、陳淑儀及朱栢康演出的舞台劇《呃Art》，講述前兩者因一幅藝術品，引發多年的友情危機，而後者則夾在中間調停。

人大了，黃秋生（右）曾慨嘆可相約飯聚的朋友「全軍覆沒」，朱栢康（中）便邀約他，於台灣男星吳慷仁離港前飯聚，是另一種Bromance。