卓能集團（0131）主席趙世曾，一向懂得享受人生，而女伴更是他精采人生中不可或缺的重要元素，「只要係靚嘅，我就欣賞，咁先活得開心。」

身為建築師，趙世曾對美學有自家的一套準則，亦可應用於與各國靚女相處之上，「除咗有視覺享受之外，唔同國家嘅女仔，喺文化背景唔同下，都有特別嘅個性。」

曾自爆有過萬女友的趙世曾，對世界各國的女士均有特別感覺，現在他則鍾愛祖國美女：「中國人口多，靚女都特別多啲！」

早前趙世曾花上一百萬為趙苑二期的示範單位換新look，他所坐的是價值過五萬元的Bellchair，兩位模特兒本來只是作點綴，但主人家大讚她們身形標致，令兩位靚女更happy。

追英踩美

趙世曾心境長青，今年將踏入七十四歲的他，女伴一直團團轉，多年前他已聲稱有逾一萬位女友，而且中、英、澳、港，任何國籍都有，他曾稱：「如果帶晒出嚟，要成個奧運場館先坐得晒。」

不過，數到令他印象深刻的女士，他就首推英國：「以前我喺英國讀書，所以識好多英國嘅女仔，佢哋好easy going、好溫柔，而且個figure仲好靚添。讀書嘅時候零用錢唔多，佢哋唔介意同我喺屋企煮飯食。試過我甩咗粒衫鈕，又會幫我補番。」在趙世曾眼中，英國不止多紳士，連淑女亦特別溫柔。

Sandra（右）與Karina（左）均是烏克蘭籍的模特兒，當中Karina的開朗性格，在拍攝期間與趙世曾有最多交流，趙更大讚兩位東歐姑娘皮膚幼嫩。

對另一強國美國的女士，趙世曾就有彈冇讚，「美國嘅女仔好難相處，佢哋嘅女權主義太強，咩都同你拗一餐，我好多時同佢哋都係火星撞地球。」

趙世曾對女伴的要求，首選也離不開一個「靚」字，「初見面就梗係先睇樣貌；其他嘅就要相處落才知道可唔可以溝通到。如果係躁狂嘅、脾氣唔好嘅，就幾靚都冇用啦！」

趙世曾認為近年祖國多美女來港工作，所以他與她們有較多交流，所以近年他的女友，由Wendy（圖左）到最近的杭州女伴Lena（圖右），也是祖國出品。

鍾愛亞洲

相比英美靚女，趙世曾更喜愛澳洲美女，「我曾經同過一個澳洲model拍咗七年拖，佢好靚，性格亦同我夾得嚟。

「但係到依家，我就覺得中國嘅女仔最好，中國人口多，所以我可以搵到啱自己嘅女仔嘅機會就更多。而且我同佢哋又同聲同氣，溝通都方便好多，中國女仔多數都溫柔啲、嬌嗲啲，啱晒中國嘅男人。」

祖國地大物博，但趙世曾也把祖國美女分南北兩類，「南方嘅女仔細粒啲，皮膚黑啲；而北方嘅就身材高大同皮膚白，我都鍾意。」

除了祖國美女外，趙世曾認為馬來西亞的女士也相當出色，「馬拉姑娘性格純樸，而且好多都眼仔大好可愛，我都覺得好唔錯。」

模特兒們換上中國古典旗袍look，令主角趙世曾更賞心悅目。

趙世曾對生活極為講究，餐枱上的彩色水晶餐具，是他多年前歐遊時所購，加上兩位東歐模特兒，襯出中歐crossover的味道。

趙世曾堅持一周打一次籃球，保持至fit狀態。

籃球操fit

對於不同國籍的女伴，趙世曾都有不同的感受，他曾說過：「咁先有多啲經驗，愛多啲先唔會揀錯。如果只係愛一個人，實在太悶嘞。」

怕悶的趙世曾，做運動也要挑選有隊友的籃球，而且他對籃球罕有地專一，「依家如果做嘢唔係太忙，我每個禮拜都會打一次，次次都打幾個鐘，有運動個人會fit啲，新陳代謝快啲。」

以運動保持至fit狀態，閱盡各國靚女，趙世曾多姿多采的感情生活，一點也不悶蛋。

在趙苑二期的主人房內，趙世曾與模特兒在鏡頭前擺型佬pose，鏡頭後的趙對她們相當體貼，因天氣較冷，他還為兩位模特兒添衣。

開朗的Karinao氹得趙世曾很開懷，他稱：「東歐嘅女仔無論身形同皮膚都好。」加上開朗性格，一定加分！

風流公子