不論是否夏日，收身Keep fit，一向是女士們的終身事業。
藝人林盛斌（Bob）的太太黃乙頤（Pearl），最近就受千夫所指，指她食減肥藥搞到減肥過度，但其實她的減肥，主力是靠生酮飲食法，由去年五月至今，已減去二十磅，「我減肥主因係為健康，因為我跌斷腳嘅韌帶發炎，同埋又有糖尿病，我唔想成世食重藥，於是決心減肥！」
生酮飲食法的圈中信徒，還有江欣燕和崔碧珈等，可以健康地變瘦，難怪有不少人跟隊，成為「酮路人」。

Pearl以生酮飲食法，成功減去二十多磅，她還可開懷歎芝士黃豆麵，「因為身體炎症減少，好多人覺得我後生咗又靚咗。」

別以為減肥就甚麼也不能吃，其實只要無糖，生酮的朱古力也可大口大口地吃。

Bob嫂減肥為救命

四十歲的Bob嫂阿Pearl，去年健康響起警號，先是糖尿病愈來愈嚴重，繼而右腳因跌斷韌帶而發炎，為保命，她便急切地展開生酮飲食法。
「因為家族遺傳，我患咗糖尿病十年，已經低碳飲食好耐，嗰時我隻右腳發炎，上網搵到生酮飲食，對我個病有幫助。其實生酮飲食主要係減低身體炎症，好多人以為佢係用來減肥，其實唔係，減肥只係佢嘅『副作用』。」
至今已減了二十多磅的她，現在Fit爆，只有106磅。「只要深入了解同嚴格執行，就會成功！有人話唔成功，係因為佢無一個必定要進行嘅原動力，會諗減肥之嘛，又未去到死！但我係因為糖尿病，控制唔到嘅話，我嘅壽命可能會縮短好多，未來一生要靠好重嘅藥物去生活⋯⋯呢樣對我減肥嘅誘因好大！」

Pearl努力照顧一家六口，老公Bob公開讚她賢良淑德，更請網友高抬貴手，別再攻擊太太。