新伊始 鄧伊婷
以女子組合Super Gear出道的鄧伊婷,自一六年簽歸無綫,早前在劇集《迷網》中,飾演高海寧的好姊妹兼同事Brenda,當中的超性感谷咪造型,吸睛度十足,絕不輸給對方,而其角色也大有發揮,引來不少人關注!
隨着人氣急升,鄧伊婷今年連名都改埋,由原先父母替她改的「議婷」,轉為「以婷」,現在「伊婷」是最終版。「我有朋友幫我睇過,話用『以』字,對家庭、長輩、事業都唔好,但用『伊』就好好,我所有證件都改晒名,好徹底!改咗名後,個人開心咗,信心又提升,真係自信心都返晒嚟!」
一切從新開始,工作運和人緣亦明顯暢順,早前熱播的《C9特工》,鄧伊婷又是跟高海寧合作,對方還大方教路。她說︰「其實我第一次同高海寧合作係客串《C9特工》,佢好細心,見我件衫兩邊袖唔對稱,即時提醒我。到後來拍《迷網》,我哋多對手戲,但我經驗不夠,有時候需要NG,佢都唔介意。我都當咗佢係我女神!」愈來愈愛演戲的她,剛拍畢新劇《踩過界》,稍後又有份參演《白色強人2》和《金宵大廈2》,入屋度有望增加!
Profile
姓名︰鄧伊婷(Irina)
年齡︰30歲
身高︰ 172cm
入行經過︰
一二年以組合Super Gear入行,解散後任職模特兒,至一六年參加《大閘蟹小姐競選》,並於同年加入無綫。
曾演出節目及劇集︰
《3日2夜》、《黃金有罪》、《迷網》、《C9特工》等。
早前,鄧伊婷跟高海寧在《迷網》中有不少對手戲,有料的她大方晒身材,成功將封胸的高海寧比下去。
因三度拍攝《3日2夜》而上位的鄧伊婷,不時在社交網分享三點式靚相,閒時也愛跟陽光玩遊戲。