要留住珍貴回憶，最便利莫過於將之收藏家中。
人稱「蟲草大王」的御藥堂主席陳恩德（Mark），家住大圍的相連單位，面積達四千多呎。去年，他豪擲五百萬將全屋翻新，並將自己收藏的龍形擺設和玩具一一陳列，當中還有他買給兩個兒子的哥斯拉、龍珠模型玩具等，一室放滿三父子的玩具。
他豪氣萬千地說：「我細個好鍾意鐵甲萬能俠、大鐵人，以前無錢買，o依家大個就買番晒啲童年回憶，啲玩具多到入晒倉。本來想過年之後搞個玩具展，但o依家要延期。」
最熟悉的童年回憶，永遠不會老。

陳恩德喜歡坐在大廳的梳化，舒舒服服看電視，是他一天最寫意的時候。客廳與玄關位之間，以藝術家繪畫的花卉圖案玻璃牆作分隔，增加通透感。

花 香 處 處

十年前，陳恩德只因為太太一句「鍾意」，一家人就由何文田搬到大圍居住。大宅的客廳面向花園，每天望向窗外，鳥語花香，「陳太細個曾經嚟過呢度，當時佢覺得呢度係好有錢嘅人住、好豪華，於是我早幾年就買咗呢度，後來隔籬單位放盤，我就買埋隔籬，打通兩個單位。出面嘅平台花園長期都冇人，好似私家花園咁。」
外表豪邁的陳恩德，原來是愛花之人，他在客廳和偏廳放滿一盆盆的鮮花。今年新年，他更以二十三盆蘭花來營造一堵「花牆」，由花店職員為其度身設計，及派專人打理，盛惠廿六萬。
「我好鍾意蕙蘭，年年都會買好多蝴蝶蘭同蕙蘭，今年就搵人布置咗呢幅牆。為咗啲花，屋企要長開冷氣，唔可以高過二十度；另外，我每年過年都會買五十箱水仙頭，傭人姐姐會自己割水仙頭，確保每一日都有開緊嘅靚花替換。」

栩栩如生的龍鳳擺設，購自琉璃工房，同屬他的心頭好。

琉璃火龍，氣勢十足。

觀音坐龍的銅像，擺放在蓮花油畫前，充滿意境。