日本MV明抄星爺 四條中坑拒做鹹魚
早前，無綫劇集被轟唔夠創造力，套套劇都唔係抄西片，就係抄日劇、韓劇，搞到香港人冇晒面子。
幸好香港都有人為我們爭番啖氣，呢個就係周星馳星爺喇！星爺早年的《少林足球》，揚威海外不特止，更令到唔少忍唔住要抄一抄佢嗰條「 人如果冇理想，同條鹹魚有乜分別？」橋嚟用，就日本 Mr Children 的MV，拍攝構思就有九成同《少林足球》相同，MV中男主角人到中年，揾錢揾唔多、日日畀老婆o我，但有一日突然重燃心中團火，揾埋三位昔日Band友一起重振Band光，雖然MV中男角就冇六師兄弟咁多，但劇情同拍攝手法都好似，故不少網友都留言表示，MV擺明抄星爺喎！
