重提港台公司化 林鄭:還有人有興趣?
反修例示威浪潮持續,屬政府旗下嘅香港電台亦被指頻頻「調轉槍頭插政府」,有違中立報道精神。本刊據聞建制派唔妥港台嘅情緒亦升溫,早前喺深圳就香港局勢舉行座談會時就已爆發,閉門會議期間有人重提將港台「公司化」,在場五百幾人聽見,竟然一致拍爛手掌。
有部分建制派議員日前趁約見特首林鄭月娥提交施政報告建議呢個時機,趁機向阿太說項。據悉林太聽見後未有明確表態,只反問一句:「????家仲有人(對港台)有興趣嗎?」在場議員回應話,應該仍有投資者有興趣,可以發掘一吓。政圈一直流傳林太早有意「整頓」港台,仲指派相關官員快馬加鞭「做嘢」,可惜都係「老鼠拉龜」,入唔到手。
港台「公司化」呢個議題十足炒冷飯,如今民望低企嘅林太想整頓港台,睇怕都係自殺式高難度動作!
港台被指喺修例風波上頻頻「倒插政府」,惹來部分市民及建制派不滿。