張秀文失戀變肥

憑住玲瓏浮凸身材，俘虜無數宅男嘅張秀文（Sammi），一五年就被爆同足球名宿「亞洲鋼門」仇志強個仔仇耀斌（Victor）拍拖，因為Victor之前係Sammi嘅經理人，所以日久生情，佢兩個仲喺將軍澳秘密築愛巢添。可惜，Sammi月前畀人發現，佢同「溝女王」尹子維撐枱腳之後，跟住就突然宣布「分訊」，聲稱自己已經回復單身。

失戀嘅女人一般會化傷感為食量，東姑發現Sammi都唔例外。日前，東姑喺將軍澳見到啱啱放工嘅Sammi；而身形明顯肥咗唔少嘅佢，仲要飲熱量勁高嘅珍珠奶茶添。東姑再行近啲睇住佢玩電話，發現佢肥到已經有雙下巴，臀部亦比之前圓潤咗。人哋尹子維有個「中國第一美胸」未婚妻徐冬冬，唔通佢想做「香港第一美臀」張秀文？

月前，Sammi畀人發現同「溝女王」尹子維撐枱腳之後，佢跟住就突然宣布同仇耀斌嘅「分訊」。

身形明顯肥咗唔少嘅Sammi，仲要飲熱量勁高嘅珍珠奶茶，難怪愈來愈發福。

東姑喺後面再睇，張秀文嘅臀部一樣肥大有肉。

側面睇張秀文真係肥咗唔少，仲有少少雙下巴添！