吳香倫食「麥記」慳到盡

無綫甘草演員吳香倫同陳榮峻，兩人嘅黃昏戀開花結果，今年七月結婚正式拉埋天窗。其實，無綫好多監製，都鍾意用佢哋喺劇集飾演番一對，好似近排《跳躍生命線》，陳榮峻飾演嘅「明叔」同吳香倫飾演嘅「明嬸」，生離死別嗰幕演技大爆發，觀眾都大讚感人。

早前，東姑就喺金鐘一間「麥記」，巧遇剛肺炎初癒嘅吳香倫，佢一個人排隊買餐，然後拎埋位同一個年紀相若嘅女性友人分甘同味。

其實，食「麥記」已經夠晒慳，但東姑見吳香倫只係買咗一個餐，薯條兩份食、一個包亦搣開兩份分，就連嘢飲都攞多個紙杯，裝開一人一杯，簡直慳家到極點！就係咁，佢只係花費好少錢，就同朋友邊食邊坐傾吓偈，慢慢歎。咁知慳識儉，真係戥陳榮峻開心娶到個好老婆喇！

榮升「峻嫂」冇耐嘅吳香倫，份人好慳家，東姑發現佢喺金鐘食「麥記」，仲由佢負責排隊買餐。

吳香倫同一個年紀相若嘅女性友人，分甘同味，兩人食一份套餐。

早前喺《跳躍生命線》中，陳榮峻同吳香倫，再飾演老夫老妻「明叔」、「明嬸」，而一場夫妻生離死別嘅戲，仲被激讚好演技。