千挑萬選 Rock出來

那一天。

看見最美的楊千嬅。

影樓裏，佈滿漂亮新衣。出一張新唱片不容易，拍攝一個衝破規限的唱片封套同樣不容易，這天看見造型師Gavin So，為她特別挑選的服式眼前一亮，超羨慕呀！

為了推出新曲加精選碟《ONE ON ONE》，她隆重其事改變造型，撐住6吋高跟鞋，做出恍如瑜伽般高難度動作，拗腰、瞓地、俯身彎腰、單腳企、sit-up和抬腿等，花了近十個鐘，換了八個造型，影過千張靚相，事後她笑說：「好似影咗一本春夏時裝目錄！」

由於影唱片封面是整張唱片製作過程最後步驟，所以每次影唱片封面令千嬅特別興奮，她說：「承接『三二一GO！演唱會』餘韻，推出新曲加精選碟延續回憶，過往精選碟，通常簡簡單單用一張大頭相做封面，今次專登花好長時間換好多套衫，影一輯全新靚相，證明我公司非常認真對待音樂。每次影唱片封面都好開心、好大滿足感，證明我哋又完成一項重大任務。不過今次真係影咗好多相，我成世人未試過影一個唱片封面，要影咁多相和咁多套衫呀！」

很累但很美。

千嬅為了挑戰新體驗，新碟找來演唱會音樂總監王雙駿操刀，最擅長搖滾樂的Carl，將千嬅搖身一變Rock Ma。

千嬅為了挑戰新體驗，新碟找來演唱會音樂總監王雙駿操刀，最擅長搖滾樂的Carl，將千嬅搖身一變Rock Ma，千嬅坦言最初有點懷疑：「我嘅歌未試過節奏咁勁，呢個範疇（指Rock Music）以往唔敢隨便觸碰，容易惹起爭議。但自從演唱會同Carl合作好有火花、好多交流，反正人生在倒數，乜都要試。Carl話Rock嘅文化係有話直說、係一種態度，唔需要太介意或計較用咩方式表達。」

今天，看見《ONE ON ONE》的製成品，在精選歌曲部分一個又一個朋友歌迷的留言，內心充滿感動。

千嬅說：「我好感激每位喺楊千嬅音樂路上嘅老師、知音，所以請佢哋揀歌，成為精選部份。我曾經諗過佢哋會唔會揀啲好冷門嘅歌？甚至連我都遺忘咗嘅歌？其實咁又有乜所謂，可能更有新鮮感，唔一定人人都識嘅歌先至可以放入精選碟。」被邀請選歌的包括DJ好友、造型師、唱片界幕後功臣、歌手、前助手和歌迷等，並寫下與千嬅的小故事。其中老公丁子高化身「歌迷」選了〈煉金術〉，他留言放閃：「因為呢首歌係我第一次真正認識佢嘅時候，喺佢面前唱俾佢聽嘅歌。 」