梁漢文睇世界盃撼爆額頭：縫37針深見骨

梁漢文（Edmond）半夜於社交平台貼上躺醫院病床、額頭貼大塊紗布的皺眉照，留言：「今屆世界盃都未試過出去睇場波，突然心血來潮打俾我兄弟問佢係邊，佢咁岩喺卡拉OK，當時我的感覺直情係緣份到了，可以一齊睇波、點知意外就係意外，冇得解釋，竟然可以一邊唱住人哋想我唱嘅《一世一次戀愛》、個頭直接撞落枱角，流血不止，經過一大輪嘅討論，我決定聽朝做一個大手術，所以我之後會好靚仔，good nite，大家不用擔心」。

Edmond所指的大手術就是縫針，今日他在醫院等埋單準備出院醫肚時拍了片段親自交代受傷情況，他說就是因為熄了燈唱歌看不到有一級樓梯就絆倒，個頭直接撞到枱角，「共縫了37針，長7cm，深見骨。」幸見他精神尚可，他還叫大家放心，及雙手合十說多謝。

昨晚梁漢文（Edmond）突然甫出自己受傷入院的照片，相中Edmond躺在病床且緊緊皺眉。

 

今天Edmond精神狀況良好，在縫針手術後拍片交代意外經過。