鄭敬基心不在「狗」
五十四歲嘅鄭敬基，前年同年輕十九年嘅圈外女友Angie結婚，雖然年齡相差大，但係老夫少妻反而更加恩愛，成日見佢哋有影皆雙，經常孖住出動。
早前，一個下晝大概四點左右，東姑就喺銅鑼灣，遇見鄭敬基一支公放狗，手上仲預備定支水，相信係隨時幫狗狗清理排泄物之用。不過，見佢拖住狗狗，喺人來人往嘅鬧市度行，似乎唔係好留神，唔知係唔係掛住老婆。現場所見，鄭敬基邊行邊掛住聽短訊同埋發短信，相信佢正同老婆keep住用短訊傳情，可憐主人放狗，放到咁心不在焉，狗狗惟有自求多福，喺鬧市上散步，要自己小心睇路、睇人同睇車喇！
平時同老婆出雙入對，呢日佢一支公放狗，懷疑掛住另一半，猛用短訊傳情。
拖住隻狗狗散步嘅鄭敬基，全程心不在焉，一味喺度聽短訊、傳短訊。
喺銅鑼灣街頭人逼逼，狗狗要醒醒定定，自己跟實主人，同埋唔好畀人撞親喇！
