九十年代嘅電視劇角色，至今仍為人津津樂道，其深入民心嘅程度，可想而知。「海潮」就有呢個跨世紀嘅威力，嚟緊溫碧霞（Irene）即將舉行演唱會，亦以自己嘅經典角色為主題，為唔少粉絲嘅集體回憶。

今次「Paco巨星飯堂」，我就帶Irene去到位於銅鑼灣嘅「西苑酒家」，品嘗特色粵菜，細說入行三十六年以來，終於踏上舞台開show嘅興奮心情。

曾經推出過八張專輯嘅Irene，雖然演戲事業較唱歌更為人熟悉，但佢今次精心選曲，決意以歌聲引起觀眾嘅共鳴。

回饋粉絲

Irene出過八張專輯，名曲有〈海潮〉、〈忘掉我自己〉及〈半生緣〉等，今次開show都以「海潮」命名。「演唱會係回顧我入行咁多年，拍過嘅戲同唱過嘅歌，我諗住俾自己同粉絲一個回憶。拍《火玫瑰》（海潮角色出處）時，我出過幾張唱片，當時都係貪玩，之後又專注番拍戲，所以就放低咗唱歌。

「有段時間我去咗日本讀聲樂，對唱歌有信心好多，之後雖然冇出唱片，但我都去咗好多地方登台，大家都話expect我係演戲，冇諗過我原來唱歌都好聽。」

雖然今年已經五十一歲，但「海潮跌膊look」威力依然。自出道以來，雖然Irene嘅演藝路歷經幾番波折，但後來成為性感女神。

「我冇諗過自己會係行性感，我好細個已經俾人咁樣形容，但呢樣嘢唔係我刻意做出嚟，我諗係天生，哈哈！我相信每個女仔都有自己嘅特質，而我就係咁，我會接受囉。」

成為性感Icon，令Irene嘅演藝路變得順暢，但亦係佢嘅局限，「我諗係有影響嘅，但我唔抗拒演性感角色。一路都好少人搵我演好平實嘅角色，好似海潮、妲己呢類咁，大部分係亦正亦邪嘅人物。」

我帶Irene去到位於銅鑼灣嘅「西苑酒家」，品嘗特色粵菜，細說入行三十六年以來，終於踏上舞台開show嘅興奮心情。

演唱會將於6月19日喺麥花臣場館舉行，Irene視之為給粉絲嘅禮物。

大哥叉燒（$198/例），叉燒肉既香且腍，令人回味。

脆皮燒鵝皇（$298/半隻），皮脆內juicy。

馳名爵士靚湯（$438/煲），以美國蜜瓜、花膠、螺片、老雞及瘦肉等熬足四小時而成，本為已故熟客鄧

幸福嘉賓

為咗備戰處女騷，呢段時間Irene更加努力練歌和keep fit。「我不嬲有做瑜伽、跑步同踩單車，加埋今年又出寫真，成個狀態要更加好，之前我最重105磅，o依家就102磅。」Irene嘅形象一向性感，講到開show會否真空上陣，佢就話：「性感一定有啲，但最緊要有美感同好fresh，我一直鍾意好free感覺，哈哈！」

講到嘉賓，已公開嘅阿嬌，日前喺洛杉磯舉行婚禮，Irene坦言替對方開心。「我好戥佢開心，佢值得o依家嘅幸福，希望到時可以同佢，好好合唱一首歌。」

至於男嘉賓，Irene就一直保持神秘。「o依家有兩個人選，大家到時候嚟睇就會知。但我唔會安排囝囝Xavier上台，佢太細個，不過我會俾佢嚟睇半場，嗰段時間佢學校仲考緊試。」

Irene嘅性感身材，多年如一，背後嘅秘密係佢努力不懈地做運動。

唔使工作嘅日子，Irene會同丈夫何祖光、囝囝Xavier，周遊列國，享受天倫之樂。

啱啱結婚嘅阿嬌，係Irene演唱會嘅其中一位嘉賓。

古法蒸東星斑（$78/両），東星斑拆肉後，加入雲耳、生根等配料蒸，提升鮮味。

漁村海味蒸飯（$198），飯香令海味更加惹味。

油鹽焗黃油奄仔蟹（$488/隻），以油鹽焗當造嘅奄仔蟹，令蟹肉更見鮮甜。

囝囝撐場

Irene笑言，已承諾囝囝，忙畢演唱會後就會放假休息。「到時都放暑假，會舉家去紐約探親，置業就等遲啲個仔過去讀書先搞。」

講到八歲嘅囝囝，Irene即充滿慈愛，佢話Xavier目前嘅志願，係當發明家或開動物園。「佢仲好有表演欲，呢方面似我。佢又好鍾意小動物，試過成條蛇纏喺手臂都唔驚。」

享受天倫樂，佢亦正準備向電影圈發展。「嚟緊我會做一部叫《我們的18歲》嘅戲，係一部關於成長嘅戲，會有部分關於我成長嘅地方調景嶺。因為我爸爸係前國民黨軍官，搬嚟香港之後咩都冇晒，所有嘢要重新建立，o依家劇本寫落嚟其實好豐富，唔止係我自己嘅故事，仲有身邊好多人嘅故事。」

Irene一直keep住運動，體力上無須特別為演唱會進行任何特訓，

雖然演唱會舉行當日，Xavier仍要應付考試，但Irene表示囝囝一知道媽咪開show，就第一時間報名撐場。

紅燒牛肋條（$338/例），肉質嫩滑，令人有入口即化嘅感覺。

香芒煎薄

西苑酒家
地址：香港銅鑼灣希慎道33號利園一期5樓
電話：28822110