孖仔真係孖心肝?
近年娛樂圈中人,不時都有孖仔、孖女以至龍鳳胎的出生,早前黎姿便生了一對可愛孖女。其實不論是孖女、孖仔或是龍鳳,既然出生的日期、時間都近乎一樣,所以一直以來,一般人都認為他們的運程性格,都應該是相近的。可是麥玲玲師傅就從玄學角度指出,這種想法其實未必正確。
麥師傅說,孖生兄弟姊妹確實有可能心靈相通,起碼很多時都會對事情有相同想法。
擇日有限制
麥玲玲師傅在說到孖胎時指出,現時香港人生孖胎,一般都是以開刀的方法來生,所以亦多了很多人會預先揀定吉日吉時。
「要知道冇一個人的命可以有齊所有好東西,就算是擇日揀時辰,也要受制於醫生和胎兒的健康情況,只可以選擇預產期前的一至兩個星期,通常最後只得兩、三日可以揀。其中一些日子可能有財、有些讀書好、有些是靚仔靚女,永遠冇話樣樣兼具。」
麥師傅又指出,其實很多時就算擇了日、揀了時辰,十個小朋友中也總有四、五個是因為種種原因而不能「用」到這個時辰。
「有時命運如此,我親眼都見過一些好騎呢的例子,例如因為接生醫生『困「車立」』,水浸、塞車以至最常見的突然早產都有。」麥師傅說,這就是命中注定。
孖生兄弟如Soler,就曾同時惹上官非。
好運兩人分
至於坊間一直認為,孖生的兩人通常運程相若,麥師傅卻指出,其實是好運、衰運兩人分。
「運勢就如一個餅仔一樣,要兩個人分。常常見一對孖仔其中一個異性緣好到極,但另一人卻總是冇拖拍,也有可能是一個讀書好叻,另一個就永遠唔及格。」
運程上有分別,不過麥師傅就指出,通常人生大事的發展過程,孖生都會接近,例如在差不多同年結婚、同年生仔,但卻可以出現一個娶到好老婆甜蜜愉快,另一個則吵吵鬧鬧永無寧日的情況。
麥師傅提醒,若要擇日開刀,一定要盡早知道胎兒是男是女,因為不同性別的小朋友運程會大大不同,一定要小心留意。
麥玲玲話你知
龍鳳胎最難搞
就如麥師傅所說,男女不同性別的人,會因為出生日期時辰有所不同,而出現利好男仔卻不利女仔的日子,相反亦然。所以最難處理的就是龍鳳胎。
「通常龍鳳胎都總有一個運程極佳而另一個總是差少少,這就是取決於出生時辰到底是有利男仔還是女仔,龍鳳胎通常很難避免這個問題。」