陳家樂座駕凌亂零私隱

三十一歲嘅陳家樂（Carlos），近來憑電視劇《逆緣》嘅「冷凍爺爺」鍾定國成功入屋，好多人大讚佢有樣、有演技，入行十五年o依家先彈出，真係遲來的春天。之前，佢接受訪問時，仲自爆辛酸史，話有段時間冇工開冇乜收入，慘到要問朋友借錢度日。雖然o依家未至於大紅大紫，但係收入總算穩定落嚟。

好似陳家樂出入代步嘅座駕，就係一架車價約二十八萬嘅寶馬，平時入油、泊車，養得起架車，相信佢經濟都唔太差。

不過，東姑發現，佢架車可以話係零私隱可言，車頭放咗佢張有相、有名嘅無綫職員證；另外，又寫低張紙仔，有佢兩個手提電話號碼，相信係如遇有阻塞或者刮花，可以方便其他車主聯絡佢。之但係，咁就係人都知，架車屬於佢「阿陳生！」，唔排除有粉絲仲會「手痕痕」，打埋電話搵佢傾下心事，咁就真係不得了喇！加上，見車廂裏面又「立立亂」，亂丟咗啲舊膠袋、舊紙袋喺度，都唔執拾下。東姑睇陳家樂個樣就「企企理理」，但係佢對架車就「呢呢啡啡」，真係一個太粗心大意嘅人嘞。

呢架寶馬嘅車價約二十八萬，加埋養車嘅錢，睇嚟陳家樂

大大張無綫職員證，仲有佢張相同埋大名，慌死人唔知架車屬於佢。

好多車主都會攝張紙仔，寫低自己嘅聯絡電話，呢位「陳生」都唔例外，完全無懼有人惡作劇騷擾佢。

車頭位置，擺晒自己啲私隱喺度，陳家樂警覺性極低。

車後座亦有啲舊紙袋、布袋隨便放，睇嚟陳家樂不太鍾意執拾。

波棍位置，就有個爛膠袋喺度，都幾阻住揸車。