梅啟明慳食魚蛋粉
已故巨星梅艷芳（阿梅）嘅大哥梅啟明，被指多年來不事生產，游手好閒。無他嘅，皆因梅媽覃美金喺阿梅遺產基金度，每個月攞到嘅生活費，都會照顧埋大仔成家，梅啟明唔使操勞，生活自然可以好寫意！
早前，東姑喺銅鑼灣撞到佢去銀行處理財務，留咗冇幾耐就離開，原來係趕去醫肚。而曾經唔只一次畀傳媒影到，生活都幾「大花筒」嘅佢，今次就真係轉性喇，竟然去咗一間地踎茶餐廳食魚蛋粉。梅媽成日呻生活費唔夠用，既然咁手緊，梅啟明係應該慳啲使喇！
梅啟明獨自一人去銀行辦理財務事宜。
六十五歲嘅梅啟明，都好姿整鍾意打扮，衣着刻意年輕，去完銀行急趕去醫肚。
平時生活都幾「大花筒」嘅梅啟明，呢日食得簡單，齋食魚蛋粉開餐。
