陳瀅狂摷高富帥
最近，自稱回復單身嘅「宅男女神」陳瀅，孖住「小鮮肉」余德丞拍民初劇《危城First Lady》；劇中佢哋仲會同江嘉敏搞三角戀。雖然新劇未正式拍攝，但陳瀅同余德丞原來已經friend到痺。
新劇試造型會當日，陳瀅同余德丞表面無乜傾偈；不過收工時，東姑就（目及）到陳瀅第一時間伸手入余德丞個袋，跟住起勢摷，然後拎出自己部手機。側邊嘅江嘉敏又走埋嚟八卦吓，之但係陳瀅冇講嘢，淨係拎住部手機好開心，仲報以一個勝利笑容。據知，余德丞除咗係天王郭富城嘅鄰居外，屋企仲有幾個單位收租，正宗係「高富帥」，難怪咁受「女神」嘅歡迎。
陳瀅好順手摷余德丞個袋，而余德丞又好樂意咁被摷噃，情非泛泛。
終於，陳瀅摷出自己嘅手機，而側邊嘅江嘉敏又走埋嚟八卦吓。
陳瀅對住江嘉敏報以一個勝利笑容，一切盡在不言中喇！
