人要珍惜每個「當下」，先可以真正活在當下，令人生更加豐盛。好似成軍十六年嘅Shine，即將喺紅館舉行演唱會，仲一嘗夙願開晒四面台，天佑同又南都不敢怠慢，去年就積極籌備。o依家演唱會舉行在即，佢哋已經準備就緒，於台上發光發熱！

我帶兩位嘉賓去到位於尖沙咀嘅「酒鍋」，品嘗特色火鍋，暢談籌備工作嘅點滴，再公開一八年大計。

成軍十六年，Shine已為香港其中一隊標誌組合，佢哋嘅金曲為唔少香港人嘅集體回憶，又南同天佑為咗嚟緊三月嘅演唱會，更加多幾分肉緊，到時展現最好一面。

挑戰四面台

繼一二年嘅《Shine Passion Live》跨年演唱會後，Shine將於三月初再踏上紅館舞台，舉行《Shine Moments Live 2018》演唱會，啱啱慶祝過出道十六周年，兩人都覺得ready去挑戰四面台，作出突破。

天佑話：「今次入咗六次紙申請先成事，我哋起初充滿熱情，到第三、四次入紙，就開始諗過轉場地，但又諗起以前哥哥或梅姐開演唱會，都係開四面台，我哋都好想去挑戰吓，呢個係Shine俾自己嘅message。」

有志者事竟成，二人因而喺去年九月開始積極練舞，務求突破Shine嘅慣常表演模式。又南話：「成個Show差唔多有三分二都需要跳舞，我哋半年前開始，由完全唔識跳舞開始學，幾廿歲人先開始由拉筋呢啲基本功做起，不過跳吓跳吓又幾好玩，於是排舞師就愈加愈多動作俾我哋。」

同時二人仲瞞住對方秘密練兵，開show時進行才藝battle。天佑解釋：「呢個concept源於我們早年喺台灣宣傳國語碟嘅經歷，當時我哋要上好多綜藝節目宣傳，啲工作人員成日問我哋，有咩才藝可以表演，原來喺台灣，淨係彈結他同唱歌係唔夠囉。」

又南即刻補充：「有人問我哋玩咩運動，我哋話打羽毛球、保齡球之類，點知真係要喺節目玩！」

天佑接住話：「有次要打跆拳道，打完仲要去食火鍋，傾節目內容，搞到我暈低咗，醒嗰陣已經係喺醫院！當年我哋要港台兩邊飛，又喺台灣住咗九個月宣傳，都係Shine嘅Moments，好似今次演唱會嘅主題。喺人生入面，除咗大事，有啲好似濕濕碎碎嘅事，都會影響一生。」

我帶兩位嘉賓去到位於尖沙咀嘅「酒鍋」，品嘗特色火鍋，暢談籌備工作嘅點滴。

十六年下來，Shine由

酒火入鍋（$328），為全港首創五合一湯底，包括獨特木瓜鍋、番茄波士頓龍蝦鍋、清湯蘿蔔牛腩鍋、四川麻辣鍋及潮州沙嗲鍋。

掛架安格斯牛肉（$238），為頂級安格斯牛肉，肉脂分布均勻。

即炸手工紫菜響鈴（$58），即叫即炸脆卜卜。

回首十六載

由〇二年出道至今，Shine經歷過高低起跌，演唱會以「Moments」為主題，我覺得係最貼切不過！喺數之不盡嘅難忘時刻之中，天佑話最興奮係以新人姿態，橫掃樂壇頒獎禮。「嗰年我哋係三百六十五日不停做，直至得到咁多個獎項，先記得原來同一班工作人員辛苦咗一年，嗰陣真係好感動！」

又南話：「我仲記得攞完獎落台，攬住工作人員喊，大家都經歷咗好多，經理人Amy幫咗我哋兩個好多，由我哋仲係有啲反叛嘅o靚仔，一步步進步到o依家，睇住我倆成長。」

天佑補充：「好似今次演唱會咁，好多決策都係我哋兩個去做，同之前工作人員幫我哋安排好晒好唔同。話開四面台，我哋兩個都傾咗好一陣，排舞老師係咁問我哋係咪扑鎚o架？我哋再傾多一輪，先真正扑鎚。」

天佑話生B事宜一切隨緣，暫時要努力發展事業。

一二年嘅演唱會後，今次Shine再喺紅館開show，別具意義。

上周Shine同一眾「戰友」，慶祝出道十六周年。

洋蔥豬肉蝦蛋餃（$58），以蛋皮取代傳統餃皮，創新之作。

手打墨魚丸（$68），爽口彈牙。

一八有大計

為咗演唱會，Shine喺飲食上都要配合，天佑話：「去年我開始茹素，健身教練就話我唔食肉，冇足夠嘅蛋白質去操肌，於是就叫我一日食廿四隻烚蛋白。初時食我以為唔得o架，但後來慣咗又覺得OK。」

佢哋嘅新歌叫〈老花前必做10件事〉，現實中嘅Shine都認為，趁後生要去唔同國家遊歷，天佑話去年已同太太遊歷冰島，o依家計劃遊秘魯。又南就想去加拿大黃刀鎮睇極光，但暫時身邊就未有伴同行嘞！

演唱會之後，Shine會投入電影拍攝，又南話：「劇本係一個地道嘅香港故事，我哋由十幾歲演到三十幾歲，經歷沙士、金融風暴等香港大事，單睇劇本，我已經好鍾意。」

為咗同天佑battle，又南話已經準備就緒。

結婚兩年多嘅天佑，去年同太太去日本，慶祝結婚周年紀念。

對上一次Shine一同演出嘅電影，已經係一四年嘅《紅Van》，所以二人對新作特別期待。

七星報喜（$88），墨魚丸中加入七種不同嘅天然蔬菜汁，各有特色。

福袋（$160），為三種不同餡料福袋，黑松露墨汁福袋、鵪鶉蛋福袋及燒汁牛肉福袋。

蔬菜拼盤（$58），新鮮可口。

酒鍋
地址：尖沙咀天文台道8號2樓1號舖
電話：2321 9038