唐文龍舞刀爆肌
唐文龍嘅爆肌身材，長期保持至fit狀態，吸睛度十足十。佢同東姑坦言︰「飯可以唔食，但係gym唔可以唔做。」
除咗健身之外，原來佢仲有練武，日前仲搵師傅操番佢最鍾意嘅洪拳。當日，佢拎起把蝴蝶雙刀，只係操咗二十分鐘，即刻汗流浹背，陣陣男人味出晒嚟。而佢嚟緊喺《溏心風暴3》嘅劇情，會同陳敏之有好多火辣辣嘅激情戲，佢仲會除衫上陣，大晒腹部嗰六嚿肌肉，東姑都好期待。
唐文龍有操開健身及練武，有姿勢有實際，絕不欺場。
佢耍起蝴蝶雙刀，嗰一對麒麟臂，都落咗唔少工夫。
唐文龍同陳敏之喺《溏3》有激烈牀戲，佢鏡頭前要赤裸上身，事前都有狂操副body。
