國泰歌王演唱慶六十
國泰業績不濟,近期連接裁員,對象主要是中層管理,風雨飄搖之際,總算收到一點較溫情的消息。前港龍航空行政總裁,年前調任台灣暨韓國區總經理嘅楊偉添(Patrick),上周在香港開了他個人嘅六十大壽壓軸演唱會,全場爆滿,來捧場的不少是國泰同事。
說是壓軸,因為他先後在馬尼拉、新加坡、北京、台灣、曼谷開了個唱,最後一站是香港。這幾個地方於他有特殊人生意義,是他在國泰三十多年來工作過的,而今年七月,六十歲的他便會從國泰退下來,正式退休了。
台灣是國泰業務發展重鎮之一,Patrick在那邊帶着六百多人的專業團隊打仗。在內地與台灣兩岸直接「通郵」、「通商」、「通航」之後,國泰面臨挑戰,不過業務貢獻上依然是排頭幾位。佢話台灣生活質素唔錯,消費亦無香港咁貴,唔少朋友都問他去台灣生活可好?「有的娶埋台灣太太,就留低咗。」
Patrick出晒名係好唱得嘅男高音,佢話人到六十,好想做一點有紀念性的事,於是想到在曾派駐工作的地方開演唱會,「馬尼拉係第一站,唱完之後問同事反應,佢哋話好好聽……不過有些歌聽唔明……」Patrick例牌聲如洪鐘的哈哈大笑,「原來自己堅離地喎,於是往後幾場個唱,都會加插一些當地聽眾有共鳴的曲目。」例如在北京,他就改編《梅花》呢首歌,而在香港,他唱的是《獅子山下》。
這首歌似乎已成了香港神曲,歌詞放在哪個年代去看,都引起唔少感觸,「我哋大家在獅子山下相遇上,總算是歡笑多於欷歔」好代表香港某個年代,某種精神,而當他唱時,全場都跟着唱並拍手附和,氣氛推到最高點,不少國泰同事,邊唱邊眼濕濕。
Patrick八月退休後將會返港居住,佢話唱歌一直係佢最大興趣,有得唱一定唱落去。至於人生規劃,佢話希望可以做其他嘢,唔好浪費了多年積聚下來的經驗和人脈。