伊種幽默

大愛鄭伊健的幽默。

刻下的香港人，為三餐奔波勞碌，工作壓力多大？看看走在街上的人臉就知道了。

愈來愈發覺身邊的朋友不懂如何釋放壓力，日做夜做為了甚麼？當然是為了生活安穩，開心過日子。

病後，我最喜歡在休息日遊山玩水，到郊外呼吸新鮮空氣，曬曬太陽，然後發現整個人也輕鬆了。

不愛戶外活動的，還可以去去卡拉OK放聲發洩，或到戲院釋放負能量。

上星期有幸跟鄭伊健，去康怡全港首間MX4D動感影院，感受一下新奇刺激的特別效果，包括吹風、閃電、煙霧、掃頸、戳背、氣味、噴水、震動、彈跳、噴氣、掃腳，一次過滿足所有願望。

在旁的伊麵不停嘩嘩嘩，噴水的時候也忍不住笑。

感受完畢，到上台接受訪問時，主持人問伊麵有何感受時，伊麵卻一臉認真說：「好離譜！」

台下的我笑了，估不到我的朋友終於懂得幽默了。

伊麵笑道：「頭先就好似畀人篤背脊同打pat pat咁，配合畫面啲感覺好真實，我做演員拍戲，就話打緊嘅時候要縮頭同畀對手掃腳，點知做觀眾嘅時候，都刺激到縮頭掃腳，你話係咪離譜？我覺得4D動感戲院，已經超越咗打機嘅感受。」

最愛新科技的他，看戲後不停發問，知道是有特技公司由人手編寫程式，就感受到他們對工作很用心。

他還說：「頭先有場戲，講個主角畀人拉落水，連我自己都覺得真係畀人拉咗落水咁！」

不要以為伊麵很少去戲院睇戲，在影圈長大的人，通常都愛去戲院睇戲。他笑言：「我最鍾意睇早場，因為無論你屋企個電視有幾大，音響有幾好，睇戲其實要入戲院睇先開心。諗番起細個嗰陣，成家人去睇戲就好多回憶，一邊排隊買飛一邊買嘢食，其實o依家啲戲院都可以整番炭燒魷魚、雞蛋仔、生腸墨魚，真係諗到都想食！」

連日來跟伊麵一起工作，讓我也被他超高的快樂指數感染了，最近他腦中正在編寫劇本，問他是否計劃做導演，他笑言先想好劇本再算，做人不用在未發生的時候想得太多。

伊健的超高快樂指數，感染了不少身邊人，包括我。