森美爛佬有型
商台DJ森美一向走喺潮流嘅尖端;同時,佢主持嘅節目對象又係年輕人,所以衣着打扮亦好貼近年輕人,難怪佢外表睇起嚟,往往比佢四十三歲嘅實際年齡後生得多。
早前,東姑喺廣播道撞到森美,見佢啱啱開完咪收工,着得都幾隨便下。一件白色Tee、一條爛佬短褲,再加埋踢拖鞋,而佢嗰日仲冇剃鬚懶滄桑咁。普通人咁嘅look叫做「爛撻撻」,但喺森美身上,就完美示範咗點樣爛得有型;尤其係拖鞋千祈唔好亂着,佢腳上嗰對係日本潮牌Suicoke今季moto-vs款式,價值千五蚊,貼住個潮流,咁就又young又型啦!
森美冇剃鬚,普普通通着一件T恤、爛佬短褲、踢拖鞋返工,但呢個爛佬look,又爛得幾有型。
佢着住呢對拖鞋,係日本潮流品牌Suicoke出品,唔少潮人都着佢。