BB似爸爸 葉翠翠笑老公好冧
昨日(4月14日)黎諾懿到醫院帶老婆同囝囝「小春雞」返屋企，初為人父的他父愛出晒嚟，冧到呢！而同黎諾懿兒子相差一天出世的葉翠翠兒子今日都同大家見面喇！
今日下午葉翠翠老公Raymond(周曉東)就接翠翠和囝囝出院，二人接受傳媒訪問時，翠翠就笑指囝囝同老公好似樣，是老公的迷你版，所以暫時叫BB做Raymond Junior，乳名叫小東東。另外，翠翠又笑指老公「搶」住湊B，又幫手用奶樽餵奶和掃風，以及老公對住BB冧到爆，連BB喊都會覺得好開心。
翠翠坦言同老公已有計劃，休息一年後，便會努力造人，希望給囝囝一個妹妹。
翠翠的老公接出院，她笑指老公對住囝囝冧樣出晒嚟，經常爭住湊囝囝。
翠翠表示囝囝樣子同老公餅印一樣。
