傳被「雁鄭戀」搞殘 吳若希認衰撐老闆
近日娛圈最爆戀情莫過於鄭俊弘同何雁詩,男方疑似腳踏兩船,女方疑似小三變正印,擾攘好幾日。期間兩人所屬唱片公司老闆何哲圖多次出面死撐兩人無拍拖、無一腳踏兩船,豈料鄭俊弘同何雁詩手拖手現身機場公開戀情,星夢老闆何哲圖(Herman)被矇在鼓裡還盲撐兩人,顏面可謂盪然無存。
近日,就有傳媒拍得Herman一支公遊旺角,更憔悴地扯煙,頭痕公司旗下歌手戀愛大過天。吳若希(Jinny)見報後,即上載自己與Herman在辦公室的合照,並衝出嚟認衰仔,似為Herman急澄清。Jinny留言說:「係我衰~ 係我果日返公司探老闆~ 又同老闆食左個好豐盛既Tea,呃吹水吹到7點幾,搞到老闆遲收工截唔到的士,就被人話佢憔悴煲煙!」但吳若希出言解釋又愈幫愈忙,有網民發現Herman的枱上面有個裝了煙頭的煙灰缸,更列出室內工作間禁煙條例,勸Herman戒煙。
Jinny留言說:「係我衰~ 係我果日返公司探老闆~ 又同老闆食左個好豐盛既Tea,呃吹水吹到7點幾,搞到老闆遲收工截唔到的士,就被人話佢憔悴煲煙!」
星夢老闆Herman被指一支公遊旺角,更憔悴地扯煙,頭痕公司旗下歌手戀愛大過天。
鄭俊弘同何雁詩手拖手現身機場公開戀情,Herman被矇在鼓裡還盲撐兩人,顏面可謂盪然無存。
鍾嘉欣由08年加入Herman團隊,不過有指前年嘉欣BB與相識未夠一年的脊醫Jeremy Leung閃婚兼生B,據講何哲圖當時只知對方請假,卻不知道她結婚生女的事。