洗米嫂索爆秘方大公開

今年三十五歲嘅洗米嫂陳慧玲（Heidi），人前人後都索到爆，前年生咗細女周善潼後，用咗一個月時間，即刻變番model身形，仲要睇落愈來愈索。最近，佢就經常上載運動相到社交網，大晒完美嘅體態，真係羨慕死人。

據東姑所知，佢每日一定抽兩、三個鐘做運動，例如：潛水、打拳、跑步等；而生完B女後，佢就更加勤力，真係少啲意志力都唔得。飲食方面，佢喜歡比較清淡，每日仲會飲一大杯蔬果汁，排走身體入面嘅毒素。不過，無論佢幾忙都好，都會控制自己要有適當嘅休息時間，所以幾時見到佢都係精神奕奕。

此外，佢個閨蜜同東姑講，Heidi原來養顏有道，半年前，佢跟個friend開始用摩洛哥堅果油護膚，搽咗唔夠三個月，佢塊面又滑又有彈性，仲好有光澤，好有少女feel添，難怪佢老公唔肯放手。其實，除咗洗米嫂之外，圈中好多靚媽都用緊呢隻堅果油，好似周家蔚同趙頌茹（阿Yu）；而周家蔚更加話搽咗之後，啲濕疹唔見晒。至於，黎諾懿老婆Nicole，知道自己有咗之後，就開始用嚟搽肚預防妊娠紋。難怪呢隻堅果油成為近期圈中女士嘅恩物。

Heidi對飲食養生都頗有研究，佢同陳山聰大嫂李碧君喺澳門合作開果汁店，所以日日keep住飲一大杯蔬果汁。

最近，Heidi就獲「ACADEMY OF MULTI-SKILLS UNITED KINGDOM」頒發院士，同埋「美國總統社會服務終身榮譽勳章」，雙喜臨門，佢同東姑講下個月仲會做埋博士添，要兼顧生意、家庭、仲有咁多公職，真係少啲精力都唔得。

半年前，Heidi跟個friend開始用摩洛哥堅果油護膚，佢仲上載圖片推介畀朋友添。

黎諾懿老婆Nicole原來都係堅果油嘅粉絲，佢仲話預防妊娠紋最掂。