吳綺莉往警署報到　呻「一日瘦過一日」

吳綺莉上月23日涉刑恐女兒吳卓林被捕，經一晚調查後獲釋，今（4月7日）早11時45分，她自大坑寓所驅車到灣仔警署報到。12時半許離開警署的吳綺莉，對追訪的傳媒雙手合十，強調：「冇事呀，有事我就唔喺度。」再被追問案件之後怎處理？卓林會否銷案？她就話不要再問了，及重申卓林沒事。

隨後吳綺莉泊車到灣仔瑞安中心，傾了一輪電話後，被問是否約了朋友食晏？她稱現在就去食飯。被問是否要搵朋友傾偈？她突然苦笑自嘲：「條貼身褲變鬆身褲，一日瘦過一日。」跟住叫記者不要再跟她了。再問有否被落案？她說不能透露。問到卓林情況如何？是否已出院？要給時間大家冷靜？她只謂：「都係。」提到最近經常一個人沒朋友陪？她就說：「有你哋陪嘛，我真係冇嘢。」約於1時半返回寓所的她，回應記者提問案件時，再重複說沒事，及雙手合十稱辛苦大家。

吳綺莉今日到灣仔警署報到。

 

吳綺莉重申卓林沒事，但就苦笑自嘲「一日瘦過一日」。