你有你嘲笑！霆鋒騷快刀切蔥

「廚神」謝霆鋒早前拍攝內地飲食節大騷驚人廚藝，被網民瘋狂流傳，其「搣蕉」的絕技更吸引網民爭相模仿。他日前於Facebook上載片段再騷廚藝，表演快刀切蔥，但網民就指霆鋒求快不求質，更像幼稚園學生「乜都鬥一餐」。

片段可見，霆鋒以15秒極速快刀切蔥，切完亦例牌烏低身欣賞一番，得知以15秒切完蔥之後，他好像不太滿意，更表示「15秒呀？有冇搞錯」。不少網民看過後都話霆鋒切蔥求快不求質，「原來唔洗理粗幼架?!咁我一頭一尾各一刀，一秒就切完嚕」。另外，有自稱有資深廚房經驗的網民直指，霆鋒鬥快似幼稚園學生，更指出他手勢不正宗，「作為一個做左10年廚房嘅麻甩佬，先唔理你切得又大又細又切唔斷，手勢錯，吊手切野，之前啲拋鑊片又錯，唔怪得你話手痛，然後，以咁既速度切野你覺得可以keep到幾多個鐘？砧板師父開工切到收工咁滯，咁樣切玩唔玩到半粒鐘，唔好再拍啲咁嘅片啦，完全係一個幼稚園學生咁乜叉都鬥一餐。」

「廚神」謝霆鋒拍攝內地飲食節大騷驚人廚藝，部份片段即被網民瘋狂流傳及嘲笑。

有自稱有資深廚房經驗的網民直指，霆鋒鬥快似幼稚園學生，更指出他手勢不正宗。

片段可見，霆鋒以15秒極速快刀切蔥，切完亦例牌烏低身欣賞一番。

霆鋒近日好活躍，早前就話教大家「謝氏揈蕉法」。