男神張智霖（Chilam）和太太袁詠儀﹙靚靚﹚，結婚十六年，人前人後依然恩愛非常，兩人育有十歲兒子張慕童，早前Chilam 更笑說，近期「好得閒」可配合恨生女的愛妻「造人」。

日前下午，Chilam就陪因腳痛閉關半個月的靚靚，去中環睇醫生做物理治療，順便行街購物。有男神老公陪，靚靚當然十級甜，更繞實老公漫步中環；兩日後她更在微博自爆腳痛好番，有「Chilam靈丹」果然零舍不同。

雖然說是腳痛睇醫生，但靚靚有老公陪，行街期間似乎活動十分自如，並無太大問題，沿途講個不停。

留港造人

今年四十五歲的保鮮男神張智霖，為搵銀早前連拍兩套電影和一套內地劇集，又增肥二十磅，接拍邱禮濤執導的港產驚悚電影《常在你左右》，以演活變態殺手的士司機角色。日前三片齊齊煞科，Chilam就火速返港陪妻兒，陪兒子打機之餘，更風騷表示計劃造人仔，想完成靚靚心願追番個女。

有男神老公陪睇醫生的袁詠儀，超淡妝出巡兼親手攞住兩個袋，完全無懼以「師奶look」行中環。

兩人出街打扮樸素平民化，背後看真的難以想像是Chilam與靚靚。