三十七歲的王祖藍，近年在內地參與《百變大咖秀》、《奔跑吧兄弟》等節目後，超級爆紅！人氣勁升大賺人民幣，身家同時暴升，之後更連買四個總值超過一億八千萬的物業。前年與李亞男結婚後，事業更上一層樓，除自行開設經理人公司外，兩夫婦更齊齊北上開騷搵錢，富貴非常。

搵得到自然住得好，兩人現居大埔過億元頂層天台豪宅，但王祖藍仍保持慳家原則。早前，他就和母親及愛妻，去油麻地平買迷你雪櫃、廚具、餐碟等；過程中，李亞男一直傍實奶奶，有講有笑，婆媳關係十分融洽。

近年，王祖藍愈做愈旺，婚後更上一層樓，兩夫婦不時一齊出席活動。

瘋狂吸金

王祖藍自四年前憑無綫劇《老表，你好嘢！》引起本地觀眾共鳴，因為反應熱烈，令他的事業攀上高峰，之後再有《老表，你好hea！》；事隔兩年多，近日再拍新劇《老表，畢業喇！》，人氣持續。王祖藍近年亦北上狂吸金，成為人氣綜藝節目的主持，有指他目前身價已颷升至一百二十萬人民幣一集真人騷，他早前更成立工作室「手工藝」，做製作兼出任經理人，旗下藝人有鄧萃雯、徐子珊及林欣彤等，今年更會製作十個項目，瓣數多多，瘋狂吸金。

近日其新劇正式煞科，他就在其大埔逸瓏灣，實用面積約二千六百呎的頂層連私人空中泳池複式豪宅開party，招呼《老表》劇中藝員慶祝煞科，之後再宴請親友打邊爐。

平買廚具

日前下午五時左右，中間分界的王祖藍就現身油麻地上海街。該區集中售賣廚房用品，可以一站式買齊爐具、餐具等，他和愛妻及餅印祖藍媽，先到一間店舖選購電器，睇中一個約三呎高的迷你雪櫃，用來放大量凍肉和飲品，三人最後以三千多元買入一部迷你雪櫃。婆媳二人等包貨畀錢期間，祖藍就把握時間再去另一間店揀餐具。

行完幾間店舖後，三人轉戰樓上舖選購餐碟、碗、打邊爐用具等，逗留約十五分鐘，買齊所需用品，職員和司機分批將戰利品搬上車，一家人就上車離開。臨走時，王祖藍更有禮貌地揮揮手微笑。

王祖藍到油麻地掃雪櫃和廚具，靚太李亞男一直陪伴左右。

祖藍媽﹙右一﹚shopping期間，一直有靚新抱李亞男傍實，看來婆媳感情甚佳。