鄧兆尊作為已故慈善伶王新馬師曾長子，繼承遺產後向來被指身家不菲，有錢就自然異性緣佳，就連其母親祥嫂洪金梅，都曾親口爆他：「有三個女朋友！」可謂享盡齊人之福，但原來近年還有另一新歡。

下個月就五十歲的鄧兆尊，日前晚上就一拖三出巡，帶着二奶「車厘子」和三奶「骨妹」，行銅鑼灣時代廣場。雖然大婆Carmen並未同行，但就多了一位大眼國產中女登場，這位「新歡」的身材玲瓏浮凸，姿色亦不俗，難怪鄧兆尊可以笑住行街晒命！

行名店空手而回，三位女友面燶燶，反而鄧兆尊以手摸面，一臉慶幸。

成功需父幹

鄧兆尊作為粵劇名伶鄧永祥長子，九四年就加入無綫拍《皆大歡喜》，更繼承祥哥天份，擅演小人物角色。自祥哥九七年逝世後，鄧家爆發爭產風波，鄧兆尊四兄弟姊妹與生母洪金梅對簿公堂，最後一家人和好後，去年又再因財失睦，家事再起紛爭。

鄧兆尊近年已淡出娛樂圈，周旋於三位女友間，盡情享受齊人之福。據知正印Carmen經營時裝店生意，二奶車厘子本是安德尊助手，有傳當年鄧兆尊成功撬牆腳，令車厘子移情別戀並改任其助手，至於短髮三奶則是祥嫂早年爆料的：「揼揼下就揼咗返嚟！」的骨妹。

鄧兆尊的三位女友其實各有特色，可謂燕瘦環肥盡有，大婆Carmen身材豐滿；二奶車厘子就樣子可愛更兼傻氣十足；三奶骨妹則最善解人意，懂得討好鄧兆尊之餘，亦與其餘二房關係良好，多年來鄧兆尊都能讓三女和諧共處，他的御女術亦可謂遠近馳名。

去年十一月，鄧兆尊就帶同二奶車厘子(左)和Carmen(右)，齊齊睇趙學而演唱會。

四人食韓國餐作晚飯，新寵當然是與鄧兆尊排排坐，更由她出手處理食物，二奶和三奶就眼光光（目及）到實，大少爺就繼續自得其樂，一個人玩手機。

鄧兆尊一拖三暢遊時代廣場，三位女友邊行邊講，大少爺就一副愛理不理、以一種如皇上般的超然氣勢傲然而行。