新娘想要公主抱 新郎抱唔郁超尷尬

結婚時如果可以畀心愛嘅人嚟個「公主抱」，相信係好多女性的憧憬，但近日網上流傳一段婚禮現場短片，新郎想抱起身型較重嘅新娘子，但換咗幾個姿勢都抱唔郁新娘，連旁邊圍觀嘅親友都忍唔住爆笑！

上婚車之前，新郎就準備使出經典浪漫招數冧老婆，嚟個「公主抱」抱起新娘，由於新娘身型龐大，新郎發覺抱極都抱唔起。而旁觀的親朋好友就開始大笑，而初時新娘亦都係笑笑口。但新郎哥並冇放棄，鍥而不捨換個姿勢想將老婆孭上婚車，但仍然孭唔郁對方。親友後來愈笑愈大聲，呢個時候新娘明顯笑唔出，仲苦瓜乾咁樣。最後親友勸說：「走吧走吧」，一對新人先肯行去婚車。短片引嚟唔少迴響，有人話：「辛苦新郎了。」也有人祝福：「背不動不要緊，幸福就好。」

新郎諗住出招「美人抱」冧老婆。

點知發現自己根本抱唔郁對方。

轉姿勢再嚟過，今次諗住孭起老婆。

點知老婆一爬上去，老公就腳軟抱唔起。

周圍圍觀嘅一班親朋好友愈笑愈大聲。

笑，全部都係笑。

最後新娘梗係嬲嬲豬，面都黑埋啦。