華人置業前主席劉鑾雄近日自爆多年來豪花數億元，買入過千個Hermes手袋o氹前女友呂麗君及劉太甘比，出手闊綽。

其實城中鍾情Hermes手袋嘅，又何止呂麗君和甘比二人？不少名媛一樣是Hermes的捧場客，貪其保值又襟用。不過一個手袋入門價都要兩萬元起跳，呢個風，真係唔係人人都跟得起！

郭燕光 美國尋寶

嘉里集團創辦人郭鶴年二房細女郭燕光一向熱愛時裝，近年創立二手名牌衣飾網Guiltless.com，於四千呎showroom放滿名牌衫及限量版手袋，坐擁至少四千多件名牌貨品，更有約四十個Hermes Birkin袋，當中又以Hermes三色皮手袋（右二）最為罕有，是從美國拍賣得來，相當珍貴。

 

Hermes Constance古董鴕鳥皮手袋，價值十萬元。

利嘉兒 專吼絕版

女人不一定貪新忘舊，前DBC電台主持利嘉兒就好念舊，其家中收藏了幾款Hermes手袋，均是有十多年歷史的絕版款式，近年已升值一倍，部分更被炒至十多萬元一個，「我專揀特別款，初時唔識，乜色都要買，直至呢十年周街都係，連強國大媽都拎Hermes袋，就梗係要揀啲特別嘅款，用名牌都要有品味先得！」

 

Constance大款手袋（左二）、Kelly系列竹蓆質地手袋（中）和網紋手袋（右二），價值六至十多萬元。