個唱飛秒殺爆滿 鄭中基輕鬆放飛機
近年搞笑形象深入民心的鄭中基,相隔十年,再以歌手身份踏上舞台,同樣大受歡迎,九月於澳門舉行的演唱會好評如潮,下年農曆年的三場紅館個唱,上周三(十六日)公開售票,即告一票難求。
個唱飛秒殺,鄭中基似乎也放下了心頭大石,上周四黃昏時份便與司機到數碼港海濱公園試玩航拍機,當看到航拍機飛到半空時,作為人父的他,更雀躍得哇哇大叫!
鄭中基上周四與司機到公園玩航拍機,看到飛行順利時,即由人父變做小朋友。
三場個唱秒速爆滿,鄭中基表示自己也一身飛債,網購亦失敗,但依然為此興奮。
細路上身
縱使鄭中基已是一女一子的父親,但依然甚貪玩,曾聲言至今仍愛打機,「有時同琛仔(李燦琛)佢哋打機打到唔願瞓、磨爛蓆。打機都係一種聯誼,可以傾吓近況。」上周四(十七日),他專誠到數碼港海濱公園,試玩新推出的折疊式航拍機,恍如小朋友獲新玩具般,表現得既期待又興奮。
當日拿着航拍機的他,走進公園內先視察四周環境,揀選了大草地位置後,便與司機拿着遙控器,蹲下來研究一番。約十五分鐘後,航拍機終於順利起飛,兩個大男人邊仰望着愈飛愈高的航拍機,邊如細路上身般,「嘩嘩」聲不絕,玩至開始入黑,鄭中基才急急腳收拾細軟往取車,趕返屋企跟孩子晚飯。
玩完一輪,鄭中基拿着航拍機,認真地研究如何折合軸臂。
十月初他(中)為LMF當嘉賓時,以粗口諧音在台上搞gag,但在家中則為小朋友忍口。