碩士畢業！朱千雪：能夠學習是一種福氣

2012年的港姐季軍朱千雪，獲網民捧為「民選冠軍」，就知佢幾得人歡心啦。於TVB做足4年，朱千雪拍劇終於有得擔正做女主角，大獲好評。好學的朱千雪唔怕影響演藝生涯，上年請假一年修讀中大的企業傳播社會科學系碩士學位，今日佢終於畢業喇，恭喜晒！

袁偉豪仲孖住女友岑杏賢去慶祝朱千雪畢業，朱千雪亦上載靚靚畢業look同大家分享，仲留言話：「上次去畢業禮時說過下一次一定要到我。今天終於碩士畢業了！雖然現在已經開始讀了另一個學位，但今天總算是完成了人生一個重要階段。能夠學習是一種福氣，我也是從書本了學到了人生的意義。 最後謝謝你們今天的驚喜現身！ 」

而家朱千雪正努力攻讀城大的法律博士課程，等睇佢着起博士袍個靚樣啦！

港姐季軍朱千雪今日在中大碩士畢業，着起畢業袍嘅千雪BB好靚女呀！

 

袁偉豪同女友岑杏賢一齊去慶祝朱千雪畢業。

 

千雪BB話「能夠學習是一種福氣」，而家佢仲喺城大修讀法律博士課程，認真好學！