黃浩然做和事佬 拉馬明、洪永城世紀合照
馬國明被指「捲入」唐詩詠與洪永城的戀情，同洪永城變成情敵。兩人之後更被傳不和，經常面左左。黃浩然變身和事佬，拉兩人合照，兩人也似以行動證無不和。
馬國明同洪永城不和傳聞傳了多時，二人一齊出席活動時更保持着只求搵銀、零交流的狀態；不過「和事佬」黃浩然終於出現，浩然同有份拍《我瞞結婚了》的洪永城日對夜對，自然friend底，於是拉埋馬明3個大男人在化妝間玩自拍。之後，黃浩然更把合照放上社交網站，更抵死寫上：「世紀合照！佢哋兩個真係不和？我哋三個係咪好friend？」浩然更hashtag一句「洪生個樣好似有啲唔自然喎」，咪係，洪生交下戲，笑下啦！
洪永城同馬國明傳不和傳咗好耐，今次來張「世紀合照」，令人嘩然。
馬明曾多次澄清與洪永城沒不和，並謂不介意偕唐詩詠及洪永城「三人行」出活動吸金，更笑言自己要供樓，有錢就得。
