傅明憲（GiGi）鍾意刺激玩意，除熱愛潛水和滑雪外，近日她又再挑戰自己，到新西蘭玩空中降傘。從15,000呎高空一躍而下，她驚叫幾秒後，當看到眼前的風景就不再怕了，「好值得，我一定會再跳，好好玩。我喺手心寫上『我愛Fifi』（其愛犬的名字），book咗攝影師，叫佢記得影。」

單身的她，生活依舊無限精采！

 

玩命狂呼

傅明憲早前到新西蘭出席好友的婚禮，她自言人生中首次踏足新西蘭，hea遊七日，享受到前所未有的平靜，「今次真係好hea，因為去南島Queenstown，冇乜嘢玩，其中一日，一行十幾人去行山，去農場睇羊駝，好舒服。」

傅明憲此行完成了她人生其中一件想做的事，就是玩空中跳傘（skydive）。膽生毛的她，竟然約埋新娘好友齊齊跳，坐在螺旋漿機上，看着機上八人逐個跳，她才懂得「腳軟」，邊跳邊大叫，「我喺15,000呎高跳下，起初好猛風，跳到落4,000呎就開傘，全程只係得60秒。最初都驚，但見到眼前嘅風景就唔驚喇，嘩！原來個世界咁靚！我恨咗玩十幾年，呢個係我心願，一世人一定要試一次，好值得！只係三百幾蚊紐紙（約二千港元），一定會再去玩。」

還了心願，她的旅程又歸於平靜，與好友揀了一間在山林中的酒店入住，內有一個人工湖，猶如置身在野外。她們每天在湖邊遊走，享受慢活，「我好鍾意新西蘭，同其他城市好唔同，好親近大自然，好舒服。不過我又唔會想移民過去，因為我好鍾意香港，熱鬧啲，方便啲嘛！」

她在高空張開手掌，掌心寫上她最愛的愛犬Fifi名字，如果係男人名，就好有至死不渝feel了。

從15,000呎的高空跳下，傅明憲驚叫了幾秒，之後聽從教練的指示，展示笑容和擺甫士，她非常享受在高空這60秒。